Questa è la pagina POESIE E AFORISMI 1

 PENSANNO A TE

'A GIOIA: È AVERE TRUVATO
NA FEMMENA
COMM' 'A TE.

'O DOLORE: È SAPÈ CA NU JUORNO
PURE SE LUNTANO,
T'AGGIA PERDERE.

'A MORTE : È 'O DULORE
CA TAGGIO PERDUTA
E 'A GIOIA
E NU M'ALLICURDA
STU DULORE.

'A VITA: È UGUALE 'A MORTE
SE NUN CE STAJE TU.

L'AMMORE: È NA MMESCA
E GIOIA E DULORE
CA ME REGNUTA
'A VITA MIA
CA MANCO 'A MORTE
PO' CANCELLÀ.

I E TE

NUJE SIMMO SULI
NCOPP' 'A STA TERRA
NCE TENIMMO P' 'A MANA
PE NU CE PERDERE,
NUJE SIMMO DUJE
NVISIBILI NTRA NVISIBILI
'O PENZÀ, 'O CREDERE, 'O FANTASTICÀ,
SO' COSE E TANTU TIEMPO Fa.
NUJE SIMMO SULI
'NCOPP' A STA TERRA,
A CUMBATTERE STA GUERRA
A L'IRONIA E 'A FALSITÀ;
SI VUÒ VENCERE STA GUERRA,
NUN ME LASSÀ
ASTREGNEME STA MANA
E TIRA A TE CHELL'ATA,
NUN CERCÀ MANE CA NUN TE CERCANO;
'U SACCIO, NUN È BELLO
A RUMMANÈ SULI,
MA È BELLO A RUMMANÈ
SULO CU TE.

'A CUSCIENZA

TENGO NU CANE E CACCIA
BELLO ASSAJE,
FEDELE SULO A ME
COMM' a TUTT' 'E CANI.

MA NU DIFETTO 'O TENE MBERITà
QUANN' I AUCIELLO SPARO,
ME GUARDA CUNFUSO
E NUN 'O VÀ PIGLIÀ.

STU FATTO È POCO CHIARO,
=MA Sì O NUN Sì NU CANE E CACCIA ?
CA 'E SORDE CA ME CUOSTE
PUTISSE PURE TENÈ NU POCO E CUSCIENZA!=

"NU ME FÀ RIDERE"
RISPUNNETTE 'O CANE,
CA PE NU MOMENTO
CHI SÀ COMME PARLAJE.

"TU ME PARLI E CUSCIENZA,
MA SAJE 'O SIGNIFECATO E STA PAROLA?
GIÀ NUN 'O PUÒ SAPÈ! TU L'AJE PERZA
QUANNO AJE ACCATTATO STU RIBBOTTO."

BIANCO E NERO

NON PIÙ FRASI,
NE PAROLE,
SOLO RUMORI.
LO SGUARDO INTENSO
AD UNA MANO FERMA;
TI GUARDI INTORNO
CERCANDO COSE PERDUTE
NEL TEMPO;
MA NON SI SENTE ALTRO
CHE RUMORI.
BARATTOLI DI MILLE COLORI
APPOGGIATI SU DI UNA MENSOLA
FATTA APPOSTA PER ROMPERSI;
NON PIÙ MILLE COLORI
MA UN NERO LUCIDO E VELLUTATO,
COME IL PRESENTE.
UNO SGUARDO AL DI LÀ DEL PENSIERO
PER ACCORGERTI
CHE IL PRESENTE È BIANCO
NEI CONFRONTI DEL FUTURO.

MARIA

=MARI, MARII, MARIIII,
ADDò SE CACCIATA
STA MUGLIERA MIA,
DICEVA SPACIENZIATO CICCILLO.=
"MARONNA MIA,
CHESTA È 'A VOCE
E CHILLU CuRNUTO E MARITEMO;
FUJE, FUJE"
CONTINUAVA A DICERE MARIA
VICIN' 'O CUMPARE SUOJO."
PO COMME MAJE TALE COSE FOSSE,
ASCIETT' 'A DINT' 'O GALLENARO
CU L' OVE MPIETTO
PE TRUVARSE 'A SCUSA C' 'O MARITO;
E MENTE PENZAVA CA POCO PRIMME
STEVE DINT' 'E BRACCIA DO CUMPARE,
ARRIVA 'O MARITO TUTT0 NFURIATO:
....=MARI, MARII,
NU VIRO CA L' OVE SO' TUTTE ROTTE?=
MARIA NTRA VEGLIA E SUONNO, DICETTE:
"CICCÌ, CA VUÒ FÀ,
NCE STÀ CHI ROMPE L' OVE MPIETTO,
E CHI ROMPE L' OVE DINT' 'O PANARO."

'O BUCCIOLO E ROSA

'E SCIURI ME SO' SEMPE
PIACIUTI DE GUARDÀ,
SPICIALMENTE A CHEST' ETÀ.
NU JUORNO ME SO' TRUVATO
MIEZZ' 'A NU CIARDINO
CU NA MANA NCOPP' 'A NA ROSA
PRONTO PE M' ARRUBBÀ.
=CA FAJE ?=
DICETTE 'A VOCE DA CUSCIENZA,
=STI COSE NUN SE FANNO
NU VIRE CA CHILLO È NU BUCCIUOLO?=
"MA CHESTE SONGO COSE E PAZZE"
-- PENZAJE --
"MO PURE QUANNO stongo SULO
SIMMO DUJE A PARLÀ"
E NUN CE PUTEVO MANCO DICERE:
FATT' 'E FATTI TUOJE.
QUANTA PACIENZA NCE VÒ
NCOPP' 'A STA TERRA
E TIRANNEME 'A MANA,
CUNTINUAJE A PENZÀ:
"'E SCIURI ME SO' SEMPE
PIACIUTI DE GUARDÀ,
MA NUN SE PUONNO TUCCÀ,
SPICIALMENTE A CHELL' ETÀ.

PULLASTO E PULLASTIELLO

ERA 'A SERA DA VIGILIA
E DINT' 'O CORE DA BONA GENTE,
STEV' 'A FELICITÀ
PENSANNO C' 'A MARONNA
AVEVA FIGLIÀ.
SULAMENTO DINT' 'O GALLENARO,
CHISTU FATTO
CA SE RIPETE OGN' ANNE
NUN LE GARBAVA.
E FUJE PROPETE PE CHISTU FATTO
CA CHELLA SERA,
'O PULLASTO RIUNETTE
TUTT' 'E MUGLIERE,
PE DICERE:
"MA VE PARE JUSTO
CA OGNE VOTA CA NASCE
STU GUAGLIONE,
UNO E NUJE
NCE LASSE E PENNE ?"
E MENO MALE CA
PEPPeNIELLO ERA
NU SANT' OMME,
PECCHÈ SE FACEVA
'E FIGLI COMM' 'E FACC' I…"
FUJE A CHISTU PUNTO
CA NU PULLASTIELLO AIZAJE
'A SCELLA PE PARLÀ.
"STATTE ZITTO"
DICETTE 'O PULLASTO
TUTTO NCAZZATO,
"CHI SI ?
'O FIGLIO DA GALLINA JANCA?
TU AJE PARLà SULO
QUANNO PISCIA MAMMETA"
NU FURNETTE E DICERE
L'URDEMA PAROLA,
CA SE SENTETTE E PIGLIÀ
NTRA CAPA E NOCE DO CUOLLO
'E GALLINE DA PAURA
SE FACETTERO SOTTO,
FUJE A CHISTU PUNTO CA
'O PULLASTIELLO
SE SENTETTE NDIRITTO
E PUTè PARLÀ:
"PAPÀ NU T' ARRAMARICÀ,
PENZA CA NUJE
SIMMO BUONI PURE MUORTI,
MENTE CHISTU PATRONE NUOSTO
NUN È BUONO MANCO VIVO."

'A LUNA

MMIEZZO A STU CIELO AZZURRO
CA NISCUNO PITTORE
A SAPUTO MAJE TRUVÀ
'A MMESCA JUSTA
PO PUTÈ PITTÀ
E SENZA NA NUVOLA CA CUMMOGLIA
STU SBRENNORE TUOJO,
QUANTO SI BELLA STASERA .
TU REGINA E PATRONA DA NOTTE;
TU GUARDIANA DO MARE
E CUNFUSSORE E TUTT' 'E NNAMMURATI;
TU, SULO TU,
PUTIVE AVÈ COMME CURTISCIANE
TANTE STELLE.
TU CA SAJE
TUTT' 'E SECRETI E STA TERRA,
TE VOGLIO NGRAZIÀ
PE CHELLA SERA
E TANTO TIEMPO Fa,
CA CU 'A LUCE TOJA
ME FACISTE VEDè
CHELLA C' ARReVENTAJE
'A LUCE MIA.

LASSAME SUNNÀ

TU LUNTANE STAJE
A STU CORE MIO
STRIGNUTA DINT' 'E
BRACCIA E N' ATO.
I SUSPIRO E TE PENZO
ASTREGNO 'E BRACCIA
FORTE FORTE A ME
PE NU TE FÀ FUÌ,
MA TU COMM' 'A N' ANGUILLA
SI SCAPPATA!
I TE SONNO
E SULO INT' 'O SUONNO
SONGO FELICE,
'U SACCIO CA È PECCATO
MA LASSAME SUNNÀ.

'O SUONNO
( PE 18 ANNI E ROSANNA )

VULESSE FRAVECÀ NU MURO,
MA TANTO GRUOSSO,
'A PUTÈ FERMÀ
STA VITA PAZZA,
CA CURRENNO
PORTA SULO 'A VICCHIAIA;
TU ROSANNELLA MIA,
RUMMANISSE SEMPE
CA STESSA ETÀ
GIOVENE E BELLA;
E I SPARAGNASSE
'E SORDE DE SCIURI
'E TUTT' 'E COMPRIANNI
CA NUN VENESSERO CHIÙ.
( GIGGINIELLO TUOJO )

L' OTTO MAGGIO
(FESTA DI S. MICHELE DI S. FELICE)

"OGGE È 'A FESTA MIA!
ME SO' MISE
'O VESTITO E SEMPE
VIECCHIO E STRACCIATO,
PE PARÈ BELLO A NISCIUNO
PECCHÈ NISCIUNO NCE STÀ!
OMBRE CA VENENO
OMBRE CA VANNO;
QUANTA NUSTALGIA
INT' 'A STU CORE;
ALLUONG' 'A MANO
PE NUN TE SENTÌ SULO,
PO T' 'A TIRE SCUNZULATO;
T'AMMIRI D'INT' 'O SPECCHIO
PE VEDÈ 'O DIMANE
E PRIMMA CA 'E LACREME
ACCUMMOGLIANO 'A VISTA
VECO NA MAMMA C' 'O DITO
VIERZ' 'A MUNTAGNA CA DICE:
PICCIRILLO E MAMMA TOJA
'E VIRE CHELLI PRETE SCARRUPATE?
LÀ NCE STEVA S. MICHELE."

L' aucielli e i

NU PASSERO CANTA,
PECCHÈ STA GAJOLA NFAME
NC' È LUATA 'A LEBBERTÀ.
NU CANARIO, PE CHIAGNERE,
'A MORTE DA CUMPAGNA.
NU CARDILLO NNAMMURATO,
CANTA P' '0 SFIZIO
E SE FÀ SENTÌ.
E VUJE PENZATE
CA CU TUTTI
ST' AUCIELLI CA CANTANO,
I ARRIESCO A DURMÌ?

Nun se po' vivere
Senza stu sole

TU CIRC' 'O SOLE
E CHILLO NUN CE STÀ,
SE NE JUTO
TANTO TIEMPO FA.
'A VITA MIA È ATTACCATA
A NU FILO PICCIRILLO
CA SULO 'A LUCE TOJA
'A PÒ SARVÀ;
TUTTI SBAGLIANO
NCOPP' A STA TERRA
E TUTT' 'A NA PERDUNÀ,
PE SBAGLIE E STA TERRA;
NUN T'ANNASCONNERE ARRETA
A STI NUVOLE,
E TORNA N'ATA VOTA
A M'ABBRACCIÀ,
COMM' 'A TANTO TIEMPO FA.

L' AMORE

SOLI,
SOLI COME NON MAI,
AGGRAPPATI
AD UN GRANELLO
DI FANTASIA,
AD UNA FELICITÀ
PERDUTA
ED A TRATTI
RITROVATA NEL TEMPO.
TEMPO CHE ANCHE
SE PASSA
NON CANCELLA
ODIO E DOLORE;
ASPETTI QUALCOSA
DI SOPRANNATURALE
CHE TI LIBERI,
QUALCOSA
CHE IN FONDO
TANTO DI SOPRANNATURALE
NON È.

nun s'adda cagnà
'a via vecchia p' 'a nova.

S' int' 'a casa toja

Nu vuò tenè chiù

Nu cane ca rogna

E pe cagnà,

Vuò piglià na bella vipera;

è buono ca tu t'allecuorde,

ca nun tiene chiù nu cane,

ma na serpe.

'E FIGLI

OGNE FIGLIO
è NU PIEZZo E CORE;
IOANNE,
NU CUMPAGNONE
SANTARIELLO,
TENE DIECE FIGLI
E COMMe
A OGNE PATE,
A SPARTUTE
'O CORE SUOJO
SUOCCIO, SUOCCIO
A TUTT' 'E FIGLI.
POVER' OMME,
MO TENE SULO
'o FECATO,
MA TANTU
GRUOSSO
CA PESA QUANTo
A DIECE CORE.

ILLUSIONE

PENSAVO CHE GLI OCCHI PARLASSERO,

PENSAVO CHE ATTRAVERSO GLI OCCHI

SI POTESSE VEDERE IL CHIARORE DELL'ANIMA.

M' ILLUDEVO DI TRASMETTERE COSE,

CHE IN REALTÀ NON CI SONO;

POI MI SONO RESO CONTO

CHE LA VITA È UNA TORTA,

DOVE CHI PUÒ PRENDE SEMPRE

LA MIGLIORE FETTA.

PECCHE'

ARRIVA L'AUTUNNO
E 'A FRONNA PERDE
OGNE SPERANZA
E PUTÈ CAMPÀ.
'O CULORE NUN È CHIÙ
CHILL' E NA VOTA,
CHIÙ SE nGIALLEA
E CHIÙ PERD' 'A FORZA,
ASPETTA
L'URDEMO VENTARIELLO
CA SE PORTA 'A VITA
E 'O PATEMIENTO.
'A FRONNA, PIRÒ,
NU SE PÒ CAPACETÀ
E NU PUCURIELLO
PRIMM' E MURÌ
ARRIVAJE A DICERE
.... PECCHè.

SIMMO TUTTI
FIGLI E NDROCCHIE

QUANTE GUERRE
AVIMMO CUMMATTUTO,
AVIMMO VENCIUTO
E AVIMMO PERDUTO;
PEPPENIELLO
E BONAPARTE
HANNO FATTO
'A LORO PARTE
E DOPPO TANTA FATICA,
AVIMMO OTTENUTO
LeBBERTÀ E PAReTÀ
E MO NISCIUNO
SE PÒ ALLAMENTÀ;
SIMMO TUTTI SUOCCI,
SIMMO TUTTI
FIGLI E NDROCCHIE.

Suonno

QUANNO VURRIA TURNÀ

CIENT' ANNE ARRETO

PE CAMPÀ

INT' A CHELLA FELICITÀ,

CA 'O NONNO MIO,

ME STEVE SEMPE A RACCUNTÀ;

ADDÒ NA PAROLA ERA NA PAROLA,

ADDÒ NU FRATE ERA NU FRATE,

ADDÒ L' AMMORE ERA NU QUATRO

E ADDÒ NU VASO ERA NA CURNICE.

LACREME AMARE

QUANNO L' UOCCHIE
SO' CHIENI
E N' ARREISCONO
'A MANTENÈ
STI LACReME,
TE SIENTE E SCORRERE
NFACCIA
E CHIANO CHIANO
ARReVANO,
ADDÒ SPERAVO
C'ARREVAVE TU;
E SULO TANNO
T' ACCUORGE
CA SONGO
LACReME AMARE.

'a smania e cagnà 'O munno

"T'aggarbasse nu munno
Add' 'o ricco asciesse
A vraccetto cu 'o povero?
Add' '0 putente
spalliasse '0 debbule?
E add' 'o patrone faticasse
Nzieme a l'upraio?"
=Fosse 'a maronna,
'0 dicete pure!=
"E tanno vò dicere
Ca vuje site:
O nu povero,
O nu debbule,
0 n'upraio;
…e pecchè no,
pure nu strunzo!"

'A MALATIA

M' HANNO SENTUTO
PE VICHI E VICARIELLI,
TANT' ERA 'A VOCE
CA M' ASCEVA
'A INT' 'O CORE;
'A GENTE S' ADDUMANNAVA,
CA LE SUCCEDE
A CHILLU POVERO GUAGLIONE?
FUORZE è MALATO?
…..Si SONGO MALATO!
E NA MALATIA GROSSA,
'A MALATIA E L' AMMORE.

'O PRIMMO ATTORE

'O SOLE SE NE JUTO
A COPP' A STA VIA SULAGNA
E PERIFERIA
E PRIMMA CA 'O TELONE S' ARAPE
PE FÀ TRASÌ 'A PRIMM' ATTRICE
E TUTT' 'E NOTTE;
'O CIUCCIARIELLO S' ABBIA
CU 'O TRAINO APPRIESSO,
VIERZO 'A STARZA E ZÌ VICENZA;
DOPPO NA JURNATA E FATICA,
CA SUL' 'E CIUCCI PUONNO FÀ.
L' UOCCHIE SFESSiATI E GRUOSSI,
VErENNO 'A STARZA ABBECENÀ,
SE DANNO CURAGGIO,
VErONO GIÀ NA MAGNATA
E N' ARREPUOSO AMMERETATO
E PE NU MUMENTO,
PURE 'O CIUCCIO SE SCORDA DA FATICA
C' ASPETTA 'O JUORNO APPRIESSO.
NUN SE SCORDA PIRÒ
STA PRIMM' ATTRICE,
CA CU NU FASCIO E LUCE
ALLUMMA 'O CORE GRUOSSO
E STU PRIMMO ATTORE.

'A PUCRESIA

VACO GIRANNO
SENZA SAPÈ
ADDO VACO,
TE CERCO
E NUN TE TROVO,
TE GUARDO
E NUN TE VECO,
NU SPIRETO NUN SI;
T' ANNASCUNNE ARRETO
'A PuCRESIA,
'O TUOJO È NU SFIZIO
O È NA SMANIA
E FAMME SUFFRÌ,
QUANNO PO
CHI SOFFRE
SI PURE TU.

'O MIERULO E 'O LIONE

'A LEGGE DO LIONE
NISCIUNO 'A PUTEVA CUNTRADDÌ,
FACEVA 'O BUONO E 'O MALE TIEMPO.
QUANN' 'O LIONE VULEVA MANGIÀ,
ABBASTAVA C'AIZZAVA 'A ZAMPA
E SUBBETO 'O SERVEVANO.
QUANNO VULEVA DURMÌ
TUTTI AVEVANO ZITTÌ.
NU MIERULO CANTAVA
NUN SAPENNO C' 'O RE
ARREPUSAVA;
"COMME TE PERMIETTO E DISTURBÀ
'O SUONNO E SOJA MAISTÀ,
'U SAJE LOCO NUN CE PUÒ STÀ!"
= SCUSATE MAISTÀ I NUN 'O SAPEVO=
"SCUSATE?
MA QUALE SCUSA E SCUSA,
TU A OGGE NNANZE
NUN CANTARRAJE CHIÙ!"
= MAISTÀ 'A LeBBERTÀ È BELLA
E NUN SARRAJE TU A M' 'A LUVÀ.=
DICENNE STI PAROLE
'O MIERULO FACETTE
NU MALO SERVIZIO NFACCIA 'O LIONE,
…..CHILLI SERVIZI,
C' AUCIELLI FANNO FOR' 'O NIRO
PE NUN 'O NCHIACCÀ.

'O LIONE NFURIATO,
NUN SAPEVA Ca FÀ;
GUARDANNO STUORTO 'O MIERULO,
DICETTE:
"TE NE APPRUFITTI CA TIEN' 'E SCELLE."
=MAISTÀ E TU TE N' APPRUFITTI,
CA CHISTI ANIMALI
E SCELLE NUN E TENENE.=

'O CIUCCIO MIRACULATO E
'O PATATERNO

"I SONGO STATO CRIATO
TANTU TIEMPO FA
SULO PE FATICÀ,
CIUCCIO SO' NATO
E CIUCCIO AGGIA MURÌ.
CHEST' È 'A LEGGE DA VITA:
NCE STA CHI NASCE ANNURE
E CHI NASCE CA CAMMISE.
'O PATATERNO M' ADDÀ PERDUNÀ
S' I MO ME STÒ ALLAMENTÀ,"
CUNTINUAVA A DICERE ISIDORO
'O CIUCCIO PRUTESTANTARIO.
"I PARLo ASSAJE 'U SACCIO
M' a CA SERVE
SE NISCIUNO ME SENTE!"
=ISIDÒ NU JASTEMMÀ
'O SIGNORE TE SENTE
E NUN SULO A TE;
ISSO TENE NA RECCHIA
PE OGNEDUNO CA PARLA=
"MA CHI È ?"
DICETTE SPAVENTATO
E CURIUSO ISIDORO.

=CHI SONGO
NUN TENE MPURTANZA=
DICETTE NA PALUMMELLA
E MILLECULURI,
=T' ABBASTA ASSAPÈ
CA CHESTA E L' URDEMA
FATICA TOJA,
A DIMANE NPOJE
TU TE CHIAMMARRAJE
SIGNOR ISIDORO,
OMME IN TUTTO E PE TUTTO=
'O CIUCCIO CU L' UOCCHIE
NFUS' 'E LACRIME
E CA VOCE
C' 'A STIENTO L' ASCEVA
RIUSCETTE A DICERE:
"PATATè, TU SÌ GRUOSSO,
'O CHIÙ GRUOSSO,
TU CA FAJE 'E MIRACULI
PE FÀ FELICE STA TERRA,
NU ME FÀ ADDEVENTÀ OMME,
PREFERISCO 'E MAZZATE,
'A FATICA E L' AUNESTÀ,
MA RUMMANÈ CIUCCIO".

'O BENE

I M' ALLECORDE E TE
PUPATA MIA
QUANN' 'O VIENTO
T' ha PURTATO
A PARTE MIA.
TU CUNTENTA
E STÀ CU ME,
TE SCURDAVI
PUR' 'E TE;
TU MO SI FELICE
MA CU NATO,
E I SO' FELICE
SAPENNETE FELICE.

'a sceveta

me succieso assaje anni fa
quann' i stevo ancora
int' 'a panza e mammà,
na fegura senza faccia
accustannese a parte mia
m'addummannaje s' i sciglievo
'a strata da vita o da morte;
….ma so' dumanne a fà
a nu piccirillo senza età?
Tenite nu poco 'e pacienza,
Faciteme primme nascere,
crescere e doppo
tant'ann' 'e scola
forse ve saccio dà
na risposta.

'O SCIUPAFEMMENE

NCE STANNO DUJE TIPI
E SCIUPAFFEMMENE;
'O PRIMMO È CHILL' OMME,
SE ACCUSSÌ SE PÒ CHIAMMÀ,
CA PURE JENN' 'A FATECÀ
'A MUGLIERA E 'e FIGLIE
NUN E FÀ MAJE MAGNÀ;
'O SECUNNO 'O FÀ PE MESTIERO,
E MIEDECO SE FÀ CHIAMMÀ;
TU SE 'O VUÒ CUNSURTÀ,
ARGIÀ NCE PURTÀ
E DOPPO CA SPISE
NSINO A L' UrDEMO SORDO,
TE SIENTE E DICERE:
SE VUÒ SCIUPÀ
NUN AJE MAGNÀ.
PENSANNECE BUONO
NCE STEVE PURE
NATO TIPO E SCIUPAFEMMENA,
MA CA VULITE FÀ
E COSE CAGNANO
MO È 'A FEMMENA
CA Fa SCIUPÀ L' OMME.

'O PRIMMO APPUNTAMENTO

TU LUNA
BELLA
E CUNZIGLIERA,
NU M' ABBANNUNÀ
PROPRIO STASERA;
LIBBERATI
A STU NIRO
MANTO E NUVOLE
E TORNA
NATA VOTA
A ME GUARDÀ,
COMM' A TANTU
TIEMPO FA.
NU ME DICERE
CA NO
...PROPRIO STASERA.

'O VIENTO NU SE Pò FERMà

SOTTO NA CHIANTA GROSSA
E CHIENE 'E FRONNE,
I ARREPUSAVO
INT' A ST' ANGULO 'E PARAVISO
NCOPP' A NU LIETTO E EVERA,
LUNTANO DE RUMMORE DA CITTà;
C' ALLERIA CA CUjETUDINE,
SUL' 'O VENTARIELLO SE SENTEVA
E DOPPO NU CARIZZO NCOPP' 'A FACCIA,
SE NE JEVA, COMME TE NE SE JUTO TU!
SENZA N' AVISO,
SENZA NU SURRISO,
SENZA NA LACREMA.
I NZERRO L' UOCCHIE PE NU CHIAGHERE,
COMME NUN Aje MAJE CHIAGNUTO TU.
MA SOTTO A STA CHIANTA GROSSA,
LUNTANO DE RUMMORE DA CITtà,
PENZO A STU VIENTO
CA SE NE JUTO, SENZA N' AVVISO
E CA PO' VENI' COMME SE NE JUTO.