Questa è la pagina POESIE E AFORISMI 2

LA LOGICA

CHE SENSO HA,

VIVERE QUESTA VITA ?

CHE SENSO HA MORIRE

SENZA AVER VISSUTO ?

CHE SENSO HA.....?

HA SENSO NON NASCERE

PER NON MORIRE.

'O SUONNO MIO

'O SUONNO MIO SE CHIAMME NAPULE,
BELLA, SBRANNENTE E TIATRALE.
SI, AVITO CAPITO BUONO:
T I A T R A L E!
MERGELLINA , POSILLECO, MARECHIARO
SONG' 'O PARCUSCENECO!
FURCELLA, 'A SANITÀ
SONGO 'E QUINTE.
E 'O PRUBBECO?
'O PRUBBECO È CHILLU MARE
CA QUANNO SBATTE L' ONNE,
PARE CA VÒ APPRAUDÌ
'E MOSSE DE SCUGNIZZI.
SE .... MBERITÀ.........
'O MARE NUN È CHIÙ
COMM' È CHILLO E NA VOTA,
MA … NAPULE È SEMPE NAPULE.
NCE STÀ PURE 'A DISUCCUPAZIONE?
MA CA Fa,
NAPULE È SEMPE NAPULE.
E MENTE ME SUNNAVO
STU BELLU SUONNO,
NU FIGLIO E NDROCCHIA
NCOPP' 'A NU MUTURINO,
S' ARRUBBAJE 'O VURZILLINO;
RUMMANIETTE MPALATO
COMME NU SCEMO;
NU VECCHIARIELLO,
C' AVEVA VISTO E NU VISTO
TUTT' 'A SCENA,
PE ME CUNZULÀ, DICETTE:
NUN TE RAMMARICÀ,
PIGLIATELLA SCIUÈ, SCIUÈ,
NAPULE E SEMPE NAPULE.
SCUNZULATO M'AVVIAJE
VIERZ' 'A CASA, PENSANNO
'O SUONNO MIO SE CHIAMME….
MA QUALE SUONNO E SUONNO,
PECCHÈ NU ME SO' SCETATE
CHIÙ A MPRESSA.

I SONGO E NAPULE
(PER IL PRIMO SCUDETTO)

MAGGIO 'O MESE DO NAPULE;
NUN A CASO ERA 'O MESE DE ROSE
E MO È 'O MESE DA ROSA DE ROSE.
QUANNO T' ADDUMANNAVANO,
GIUVINÒ SCUSATE DI DOVE SIETE
TU, CU NU PUCURILLO E SCUORNO:
"SONGO 'E NAPULE,"
'O DICIVO TANTU CHIANO
CA PARECCHIE VOTE 'A siGNORA,
T' AVEVA RIPETERE 'A DUMANNA;
E QUANNO AVEVA CAPITO,
CU NU SURRISO FAUZO
TE RIPETEVA 'A RISPOSTA TOJA
SENZA DA NA RISPOSTA
E CU NA CHIATA E SPALLE,
TE FACEVA CAPÌ
CHELLO CA NU VULISSE MAJE CAPÌ.
AJMe 'O PARLAMIENTO ERA FURNUTO,
PRIMM' 'E ACCUMMENCIÀ.
RUMMANEVI SULO COMME SEMPE,
CA MANA ALLUNGATA PE CERCÀ NATA MANA;
MA CA VUÒ FÀ E DETE NU TENENE UOCCHIE
E NU PUONNO VEDÈ CHELLI MANE
CA NUN SE VUONNE FÀ VEDÈ;

E QUANNO APPUCUNDRUSO E SCUNSULATO
T' ARRETIRI 'A MANA A PART' 'O CORE
E PE SBAGLIO TUOCCO L' ATA MANA,
T' ASTREGNI FORTE PE NUN T' 'A FÀ SCAPPÀ
e ACCUMPAGNannola VICINO 'A VOCCA
E MITTE COMME SE FOSSERO
PARAUOCCHIE E CAVALLO
E CU TUTT' 'A FORZA CA TIENE NCUORPO;
"SIGNÒ MAGGIO È 'O MESE DO NAPULE,
E SE N' AVITE CAPITO BUONO
I SONGO 'E NAPULE."

L' AMMORE MIO

AMMORE,

AMMORE MIO,

T'AGGIO CULTIVATO

COMM' 'A NA CHIANTA

CUSTOSA E CAMMARa,

PE NUN TE Fà APPASSÌ

E MO CA ERA ARREVATO

'O MUMENTO DA FÀ VEDÈ,

'E FRONNE SE SO' FATTE

GIALL' E VECCHIAJA.

L' URDEMA SERENATA

OGNE SERA 'A STESSA STORIA;
STAJE LÀ AFFACCIATA
A stu BARCONE,
ASPETTANNO L' URDEMA SERENATA;
'O TiEMPO PASSA, L' EPUCA CAGNA,
'O MANnULINO È RUMMAsto
n'arricuorde antico
E TU …. STAJE SEMPE AFFACCIATA
a stu barcone
ASPETTANNO L' URDEMA SERENATA.
TU CA IRE 'A ROSA DE ROSE
TU CA FACIVE MPAZZÌ
'E MANNULINE E nAPULE,
TE SI FATTA VECCHIA
ASPETTANNO L' URDEMA SERENATA;
E NISCIUNO TENE 'O CORAGGIO
E TE dicere
CA e SERENATE
NUN SE FANNO CHIÙ.

L' ammore nu curresposto

ERA NA JURNATA COMME N' ATA
'O TIEMPO PASSAVA
COMME PASSA SEMPE;
L' ACQUA DO SCIUMMO SCENNEVA
DRITTA VIERZ' 'O MARE.
MA 'O TIEMPO ALL' INTRASATTE
S' È FREMMATO,
QUANNO L' UOCCHIE MIEJE
NCRUCIANNO L' UOCCHIE TUOJE,
T' hANNO DITTO TANTE COSE
SENZA ABBISOGNO E PUTÈ PARLÀ.
T' hANNO CHIAMMATA,
SENZA ESSERE MAJE CHIAMMATO;
T' hANN0 PARLATO
E PARLATO ANCORA
MA CA PARLANO A FÀ
SE L' UOCCHIE TUOJE
NU NCROCIANO CHIÙ 'E MIEJE.
È NA JURNATA COMME N' ATA,
'O TEMPO PASSA
COMME PASSA SEMPE
E L' ACQUA DO SCIUMMO
SCENNE DRITTA VIERZ' 'O MARE.

'e sORDE

NA V0CCA CHIUSA,

NA LENGUA ABBAGNATA,

INT' A NA MANA

'A GNURANZA,

INT' A CHELL' ATA

NU SACCO 'E SORDE,

NA V0CCA APERTA,

NA LENGUA CA SE MOVE

E NU SAPE CA DICE.

LETTERA 'A NNAMMURATA MIA

PECCHÈ M' ABBANNUNATO
PECCHÈ TE NE SI JUTA
SULO CU TE 'O CORE MIO
PUTEVA TRUVÀ PACE.
I M'AlliCORDO E JUORNI FELICI
QUANNO ABBRACCIAT' A TE
ME DICEVi CA ME VULIVE BENE
E MO SCURDANNETE DE PRUMESSE
ME RUMMASTO COMME NU CACCIUTTIELLO
CA VA TRUVANNO
'A ZIZZA DA MAMMA SOJA
CA NUN CE STA CHIÙ.
CHI SE SCORDA
CHILLI VASI AFFREZIUNATI
CHI SA SCORDA
CHELLA VOCCA TOJA
ACCUONCIA E PECCERELLA.
NU CARIZZO TUOJO
ERA NA MEDECINA
CA NISCIUNO MIEDECO
PUTEVA DÀ.
VICINO A TÈ ME SENTEVO ....
ME SENTEVO .....
ME SENTO, L'URDEMO OMMO, SENZA TE
E N' ABBASTANO 'E MEGLI SCIURI
P' AURNÀ STU SEBBURCO TUOJO.

I NUN SACCIO

I NUN SACCIO
QUANT' È GRUOSSO
'O CIELO,
MA SACCIO
CA NCE STÀ
NU CIELO!
I NUN SACCIO
QUANTO ME
VUÒ BENE,
MA SACCIO
CA ME
VUÒ BENE!
I NUN SACCIO ....
QUANTE COSE
NUN SACCIO!
... MA FuORZE
È MEGLIO ACCUSSÌ!

AUNESTATE

TUTTA L' ACQUA CA 'O PATATERNO
S' ERA STIPATO PE TREJE MISE,
'O FACETTE CADÈ 'O JUORNO
DO MATREMMONIO E VECIENZO;
ZITA ABBAGNATA, ZITA AFFURTUNATA,
DICEVANO AMICI E PARIENTI
E ACCUMPAGNATO A CHESTI BELLI PAROLE,
S' APPREPARAVA A JRE NCOPPA ALL' AUTARO,
A FÀ 'O CHIÙ GRUOSSO SACREFICIO
DA VITA SOJA.
"PATATÈ, TE CERCO SCUSA,"
DICEVA VECIENZO,
POCO DOPP' 'O MATREMMONIO,
"MA PROPETO A ME,
AVIVA MANNÀ STU GUAIO E NOTTE.
L' AJE VISTA, STA DA MATINA
VICINO 'A CHILLU PENNUTO,
E NU PENZA MAJE A ME."
=UEE' ....UEEEE,
ME SO' SCUCCIATA, VECIÈ,
E PO CHILLO CA TU CHIAMME PENNUTO,
E 'O CHIÙ BELLO PAPPAVALLO E NAPULE,
SUL' 'A PAROLA NCE MANCA.=
"MARÌ, CHISTO NUN È NU PESCE,
'O PAPPAVALLO È BELLO SULO SI PARLA
PIRCIÒ 'O FAJE VULÀ STU PENNUTO,
O I ME NE VACO."
CU CHESTI PAROLE, VECIENZO
SBATTETT' 'A PORTA NFACCI' 'A MUGLIERA.
NUN 'O SUPPORTO CHIÙ,
DICEVA TRA SE, MARIA,
MENO MALE CA OGNE TREJE JUORNE
NC' 'è PASCALE, 'O CUMPARE MIO,
CA ME PORTA NU POCO E CUNFUORTO;
E COMM' 'A TUTTe
'E CASE A DOJE PORTE,
ECCO ACCUMPARIRE PASCALE,
COMM' 'A N' ANGIULO LIBBERATORE.
"UE' PASCÀ," ….. " UEE MARÌ,"
CHELLO CA FACETTERO,
MBERITÀ, NUN SE PÒ DICERE.
MA 'O PAPPAVALLO
C' AVEVA VIST' 'A SCENA,
P' 'A FORTE EMUZIONE,
NUN SULO PARLAVA,
MA AVIVEVE SENTÌ CHELLA CA DICEVA.
'O TIEMPO, NTANTO, ERA PASSATO
E 'O MARITO ERA TURNATO.
MARIA APPENA 'O VEDETTE,
PAREVA NATA FEMMENA,
S' ACCUSTAJE E CU NA LISCIaTA, dicette:
="VECIÈ PERDUONAME
AGGIO SBAGLIATO
AVIVE RAGIONE TU,
CHILLU PENNUTO NU PARLAVA
E L' AGGIO FATTO VULÀ.=

'O MARITO
CU L' UOCCHIE SBRANNENTE:
"GRAZIE PATATÈ,
DOPPO TREJE MISE,
ASCIUTO 'O SOLE PURE PE ME."

NA VITA MAJE VISSUTA

TURMIENTo e na vita CAMPATA
SulO CU TE STESSO.
N' ARBERO SULAGNO
NCOPP' A NA MuNTAGNA
TENE MENTE 'O CIELO
CA SPERANZA CA STU VIENTO NFAME
ADDEVENTASSE PE N' ATTEMO AMICO
E ACCUITANNESE FACESSE CADÈ
NA SEMMENTA P' AVÈ NA COMPAGNIA;
TURMIENTO 'E NA VITA CAMPATA
SULO CU TE STESSO.
N' AUCIELLO CHIAGNE
'A MORTE DA CUMPAGNA,
ACCISA 'A NU SPuRTIVO
CA SPURTIVO NUN È;
TURMIENTO E NA VITA CAMPATA
SULO CU TE STESSO.
NA MALAFEMMENA ASPETTA
L' URDEMO CRIENTO DA JURNATA,
INT' 'O CORE SUOJO,
DOPPO 'E DENARE,
SPERA INTA NA CUMPAGNIA,
INTA NA PAROLA,
CHELL' AMMORE CA VULEVA
E CA NA MAJE TRUVATO,
TURMIENTO E NA VITA CAMPATA
SULO CU TE STESSO.
CA FuORZE ERA MEGLIO
NU VIVERLA PROPIO.
'O MACHINESIMO DA VITa

'O MACHINESIMO DA VITA
È FATTO E TANTA ROTE DIENTATE,
'A PRIMMA ADDa GIRÀ
PECCHÈ SULO CHELLO SAPE FÀ;
'A SECONNA GIRA
CU NU POCO E FORZA DA PRIMMA
E L' UNECA COSA CA SAPE FÀ
E CHELL' E SE LAMENTÀ.
'A L'URDEMA, 'A CHIÙ GROSSA,
NON SE Pò FERMÀ
E SE 'A VUÒ FA FUNZIONÀ
'E DIENTI CA RUZZIMMA
NCE LUVÀ.

'A RICUNUSCENZA

NU BARCONE SPUGLIATO
E CHIANTE VIVE
E VESTUTO E DOJE TESTE SENGATE
CU NA MEZA MAZZA ALLERTA
E SENZA MANCO NA FOGLIA SECCA.
CHESTA È L' ANTECAMMaRA
DA CASA DO BARONE
siGNORE E NASCITA E CORE.
TRASENNO INT' A STA CASA
NNANZE A L' UOCCHIE ACCUMPARE
NA GRANNE PEZZENTERIA
MMESCATA CU NU BELLO POCO
E SFRANTUMMAZIONE,
PE CURNICE TANTA FELINIA
E PE TAPPETO, ROBBA NUSTRANA,
TANTA E CHELLA POVERE,
CA SI NU VIRE ADDÒ MITTE 'O PERE,
NCE FURNISCE A INTO.
=MA CHESTA È 'A CASA DO BARONE?=
SI, CHESTA È 'A CASA
E CHILLU GRAND' OMME,
CHESTA ERA 'A CASA
E TUTT' 'E PAISANI PUVURIELLI
C' AVEVANO ABBISOGNO
E NU MUORZO E MANGIÀ CAURO
CHESTA ERA 'A CASA E TUTTI CHILLE
CA NUN TENEVANO CASA!
MO È SOLA E ABBANNUNATA,
MA NA VOTA FACEVANO A VOTTA VOTTA
PE TRASÌ PE PRIMME.
SULO NA SIGNORA,
NU NGARRAVA MAJE A TRASÌ
E OGNE VOTA
'A RUMMANEVANO FOR' 'A PORTA.
CHELLA siGNORA,
DOPPO TANTA PACIENZA,
PE NU MURÌ E FAMME
SE NE JETTE D' 'O PAESE.
…VULITE SAPÈ 'O NOMME DA SIGNORA?
MA CA MPURTANZA TENE,
A CHEST' ORA SARÀ MORTA!
COMME DICITE?
'O VULITE SAPÈ LO STESSO?
SE CHIAMMAVA RICUNUSCENZA.

'O MUNNO SOTTENCOPPA

VURRIA VEDÈ PE NA JURNATA
'O MUNNO SOTTENCOPPA,
ADDÒ CICCILLO 'O MUNNEZZARO
ARREVENTASSE
L'ACCELLENTISSIMO DON CICCIO;
E ADDÒ DON PASCALE,
'O BARONE DA PIGNASECCA,
'A FURNESSE E PIGLIÀ 'O SOLE
E SCENNESSE ABBASCIO
PE SCUPÀ 'O VICARIELLO.
FOSSE SFIZIUSO,
TRASENNE DINT' 'A CHIESA DO GESÙ,
E VEDÈ PEPPE 'O SACRESTANO
CA CELEBRA 'A MESSA,
E 'A PERPETUA, CA È ADDEVENTATA
MONACA E CRISTO RE,
CU NA SMICCIATA
TENE MENTE 'O PREVETE,
C' 'A GUANTIERA NMANO,
CA FÀ 'A CERCA NMIEZZO E FEDELI.
FU MIEZZ' 'A STU SUONNO
CA DINT' 'A CHIESA,
MENTE 'O SACRESTANO,
STEVE PE BENEDICERE,
TRASETTE LUIGGE,
'O CHIù GRUOSSO JASTEMMATORE
E NAPULE E ATTUORNO
PE ABBALERSE E STA JURNATA
E ARREVENTÀ VIATO.
'0 SACRESTANO, RUMMANETTE
CA MANA AIZATA,
E C' 'U SANGO A L' UOCCHIE DICETTE:
"CA FAJE CÀ?
CHISTO È NU POSTO SANTO,
CHISTO NUN È POSTO PE TE".
=MA COMME, ARRESPONNETTE LUIGGE,
TU PE NA JURNATA
SI ARREVENTATO PREVETE,
'O MUNNEZZARO È ARREVENTATO SIGNORE,
'A PERPETUA CA ME PARE
'A CAPA E PEZZA E CHILLO PAESE,
E I……=
"E TU N' ACCAPEZZATO PROPETO NIENTE
E STA VITA.
S' I STONGO CÀ,
A TE FÀ 'A PREDECA,
NCE STÀ NAT' 'O POSTO MIO,
A F' 'A CERCA.
SE CICCIO 'O MUNNEZZARO,
FÀ 'O siGNORE PE NA JURNATA,
NCE STÀ 'O BARONE
CA SCOPA 'O VICARIELLO.
MA TU S' ARREVIENTE VIATO,
CHI PIGLIA 'O POSTO TUOJO?".

'o juorno e 'a notte
'a vita e 'a morte

'A SERA ORMAJE È PASSATA
'E LUCI SE SO' STUTATE
'O JUORNO DA 'E CUNZEGN' 'A NOTTE
E 'A VITA SE Fa DA PARTE
PE FÀ PASSÀ 'A MORTE.
È MEZZANOTTE
'O SOLE È N' ARRECUORDO
SULO PE CHI SO' PÒ ARRECURDÀ
'O SUrDATO TENE ARRETERATA
'E MATERAZZI S' AMMOSCIANO
P' 'O PESO DA GENTE.
'A LUNA SE NTOFA E FELICITÀ,
CHESTA È L' ORA
ADDÒ TUTTO L' È PERMESSO;
'O CRiATURE CHIAGNE
A INT' 'A NA CONNULA,
'A NOTTE NUN È PE ISSO
'A NOTTE Fa PAURA,
PURE A CHI NU Sa
CA DE 'A PAURA.
NU NAMMORATO SE CONCEDE
CU L' URDEMO VASO;

È MEZZANOTTE
'A CEREVELLA S' 'ANNEBBIA
'E PAROLE ESCENO DA VOCCA
MA SENZA SENZO,
'O DESIDERIO E DURMÌ
NUN C' È STÀ,
MA AJE DURMÌ
È MEZZANOTTE
È L' ORA DA MORTE
È L' ORA DA PAURA
È L' ORA D' ARRETERATA.
I SCRIVO PE NGANNÀ 'O TIEMPO
I SCRIVO PENZANN' 'O SOLE
I SCRIVO PENZANN' 'A VITA
E SE PROPRIO AGGIa MURÌ
VOGLIO MURÌ 'A MIEZZEJUORNO.

'O TURMIENTO

NUN SE PÒ

PENZÀ A NATO,

SE DINT' 'O CORE

NCE STÒ I;

NUN SE PÒ

TRUVÀ ARRECIETTO

S' ARRECIETTO

TU NUN VUÒ;

NUN SE PÒ

CERCA COSA

CA GIÀ TIENE.

'A FELICITÀ

'A FELICITÀ
STÀ SEMPE CÀ,
ABBASTA
ASSAPERLA TRUVÀ.
FACENNE BONE
STI PAROLE,
PUR' I ME SO'
MISE A CERCÀ.
AGGIO GUARDATO PURE
D' INT' 'E TIRATORE;
PO ME SO' CAPACETATO,
'A FELICITÀ
NUN SE PÒ TRUVÀ,
'A FELICITÀ
NUN STÀ CÀ.

NA ROSA

NA ROSA

VULLUTATA

AGGIO MMIRATA,

NA ROSA

VULLUTATA

AGGIO TUCCATA

NA ROSA

VULLUTATA

MA PUGNUTA.

Cambiando l'ordine dei fattori il risultato non cambia

IL GIORNO

CHE TORNANDO A CASA

SCOPRIRAI,

NEL TUO LETTO,

TUA MOGLIE

CON L' AMANTE,

SOLO ALLORA

CAPIRAI

CHE SE SPOSAVI

UN'ALTRA

ERA LA STESSA COSA

S' I FOSSE NU PITTORE

S' I FOSSE

NU PITTORE

L' UOCCHIE TUOJE

VURRIA PITTÀ

PE ME GUARDÀ

E CUNTINUÀ

A SUSPIRÀ.

'O SURDO NUN È MAJE RICCO

PEPPINO!

CUMMANNATE, DON CICCIO.

PEPPINOO

CUMMANNATE DON CICCIOO

PEPPINOOo

DON CIi STÒ CÀ

PEPPINOOOO, FATTE SPEZIONÀ

SE SI NZURDUTO.

L' ANEMA E 'O SPECCHIO

AH, CA BELLA COSA

SE L' ANEMA

SE PUTESSE MIRÀ;

PUTESSE VEDÈ

TANT' 'E CHELLI COSE

CA TE VENESSE A DICERE:

AH CA BELLA COSA

CA L' ANEMA

NUN SE PÒ MIRÀ.

SE TU............

SE TU ME

SENTISSE,

QUANTA COSE

TE PUTESSE

DICERE.

SE TU ME

GUARDASSE

PUTESSE PURE

NU PARLà;

L' UOCCHie MIEJE

PARLASSERE

PE ME.

'A PENZATA

SE TU PIENZE

PE SAPÈ

COMM' 'A PENZANO

L' ATA GENTE,

NUN CE PENZà,

OGNUNO

PENZA SULO

'E FATTI SUOJ.

L'AMMORE

L'AMMORE TUJO

È GIOIA E DULORE,

CA ME RIGNUTO

STA VITA MIA,

CA MANCO 'A MORTE

PO' CANCELLÀ.

'A GNURANZA

'O MARE È GRUOSSO,

GRUOSSO ASSAJE,

MA PÒ ADDEVENTÀ

NU VACILE,

A PARAONE

DA GNURANZA UMANA.

'a gnuranza

Na vocca chiusa,

na lengua abbagnata;

int' a na mana 'a gnuranza,

int' a chell'ata

nu sacco 'e sorde,

na vocca aperta,

na lengua ca se move

e nun sape ca dice.

LA BUGIA

SE QUALCHE VOLTA SENTI DIRE:

HO SBAGLIATO TUTTO NELLA VITA

È TUTTA COLPA MIA,

QUELLA È LA VOLTA CHE

CHI HA SBAGLIATO È UN' ALTRO.

Napule ajere
napule ogge

DANDO UNO SGUARDO PANORAMICO,

ILLUSTRATE LE DIVERSITÀ

STORICHE, ECONOMICHE E CULTURALI

DI NAPOLI DAL 1866 AD OGGI:

……NU È CAGNATO PROPETO NIENTE.

'O SUONNO CA NUN è SUONNO

STANOTTe

ME SO' SUNNATO

NU SUONNO,

CA SULO

INT' 'E SUONNO

SE PÒ SUNNÀ;

ME SO' SUNNATO

CA NUN ERO NZURATO.

'E DOJE COSE 'E L' OMME

L' OMME È L' UNECO ESSERE '0 MUNNO

CA È CAPACE E FÀ DOJE COSE

INT' 'O STESSO MUMENTO;

INT' A L' ATTEMO

C' ARRUINA NA FEMMENA

Se trova arruinato.

'O MATREMMONIO

'O MATREMMONIO

È COMMe

NA GRARIATA

SO' POCHI CHILLI

CA ARREVANO

FINO A NCOPPA

SENZA AFFANNARSE.